சேலத்தில் பாஜக ஏற்பாட்டில் மாரத்தான் ஓட்டப் போட்டி
சேலத்தில் பாரதிய ஜனதா கட்சி சார்பில் நடத்தப்பட்ட மாரத்தான் ஓட்டப் போட்டியை, கட்சியின் தமிழக தலைவர் நயினார் நாகேந்திரன் கொடியசைத்து தொடங்கி வைத்தார்.
சேலம் மகாத்மா காந்தி விளையாட்டு வளாகத்தில், நமோ யூத் பவுண்டேஷன் மற்றும் பாஜக விளையாட்டு அணியின் ஒருங்கிணைப்பில் இந்த மாரத்தான் போட்டி நடைபெற்றது. ஆண்கள் மற்றும் பெண்களுக்காக தனித்தனியாக நடத்தப்பட்ட இந்தப் போட்டியின் தொடக்க விழாவில் நயினார் நாகேந்திரன் பங்கேற்று போட்டியை தொடங்கி வைத்தார்.
பின்னர், போட்டிகளில் சிறப்பாக வெற்றி பெற்ற வீரர், வீராங்கனைகளுக்கு பரிசுகளை வழங்கி அவர்களைப் பாராட்டினார். இந்நிகழ்ச்சியில் பாஜக மாநில துணைத் தலைவர் கே.பி. ராமலிங்கம், விளையாட்டு பிரிவு மாநில தலைவர் நயினார் பாலாஜி, மாவட்டத் தலைவர்கள் சசிகுமார், ஹரிராமன், சண்முகநாதன் உள்ளிட்ட பலரும் கலந்துகொண்டனர்.
