“பழனிசாமி தலைமையை விஜய் ஏற்றுக்கொள்வது தற்கொலைக்கு சமம்” – டிடிவி தினகரன்
அமமுக பொதுச் செயலாளர் டிடிவி தினகரன், அதிமுக பொதுச் செயலாளர் எடப்பாடி பழனிசாமி தலைமையை நடிகர் விஜய் ஏற்றுக்கொள்வது “தற்கொலைக்கு சமம்” என வலியுறுத்தினார்.
மருதுசகோதரர்கள் நினைவு தினம் இன்று திருப்பத்தூரில் நடைபெற்ற நிகழ்ச்சியில், டிடிவி தினகரன் சிலைகளுக்கு மாலை அணிவித்து மரியாதை செலுத்தினார். பின்னர் செய்தியாளர்களிடம் கூறியதாவது, “டெல்டா மாவட்டங்களில் மழை வெள்ளத்தால் நெற்பயிர்கள் பாதிக்கப்பட்டுள்ளன; விவசாயிகளுக்கு உரிய இழப்பீடு வழங்க வேண்டும். அரசு மது இல்லா தமிழ்நாட்டை உருவாக்க, மதுக்கடைகளை குறைக்க வேண்டும்” என்றார்.
2026 தேர்தலில் நான்கு முனை போட்டி உருவாக வாய்ப்பு உள்ளது; அமமுக தமிழக அரசியலில் தவிர்க்க முடியாத சக்தியாக வளர்ந்துள்ளது. கூட்டணி குறித்து வருட இறுதியில் அறிவிப்போம் என்றும், “விஜய் தலைமையில் கூட்டணி அமைவது எனக் கூறினேன், ஆனால் பழனிசாமி தலைமையில் குழு சேருவது தமிழக மக்களுக்கு சிரமத்தை உருவாக்கும்” என்றும் அவர் குறிப்பிட்டார்.
டிடிவி தினகரன் மேலும் கூறியதாவது, “பழனிசாமி மற்றும் அவரது அணியினர் தமிழகத்தில் பரிதாபநிலையில் உள்ளனர். பழனிசாமி தலைமையை விஜய் ஏற்றுக்கொள்வது தற்கொலைக்கு சமம். விஜய் மக்களுக்கு சேவை செய்யும் மனசாட்சி கொண்டவர்; பழனிசாமியை தோளில் தூக்கி வைக்க மாட்டார்” என தெரிவித்தார்.l
