அரசியல் ஆதாயத்தை முன்வைத்து வரும் பிப்ரவரி 12, 2026 அன்று அறிவிக்கப்பட்டுள்ள போக்குவரத்து துறை வேலைநிறுத்தப் போராட்டத்தை பொதுமக்கள் முழுமையாக புறக்கணிக்க வேண்டும் என பி.எம்.எஸ். (பாரதிய மஸ்தூர் சங்கம்) கன்யாகுமரி மாவட்டம் வலியுறுத்தியுள்ளது. இந்த வேலைநிறுத்தம் உண்மையான தொழிலாளர் நலக் கோரிக்கைகளுக்காக அல்லாமல், அரசியல் நோக்கங்களைக் கருத்தில் கொண்டு அறிவிக்கப்பட்டுள்ளதாக அந்த அமைப்பு குற்றம்சாட்டியுள்ளது.
இந்த போராட்டம் நடைமுறைக்கு வந்தால், பொதுமக்களின் அன்றாட வாழ்வும், மாணவர்கள், பணியாளர்கள், நோயாளிகள் உள்ளிட்ட பல்வேறு தரப்பினரின் இயல்பு செயல்பாடுகளும் கடுமையாக பாதிக்கப்படும் என பி.எம்.எஸ். தெரிவித்துள்ளது. குறிப்பாக அத்தியாவசிய சேவைகள் மற்றும் அவசர தேவைகளுக்கான போக்குவரத்து பாதிக்கப்படுவதால், பொதுநலனுக்கு எதிரான நிலை உருவாகும் என்றும் எச்சரிக்கை விடுக்கப்பட்டுள்ளது.
எனவே, சமூக பொறுப்புணர்வுடன் செயல்பட்டு, அரசியல் காரணங்களுக்காக அறிவிக்கப்பட்ட இந்த வேலைநிறுத்தத்திற்கு ஆதரவு அளிக்காமல், பொதுமக்கள் ஒத்துழைப்பு வழங்க வேண்டும் என பி.எம்.எஸ். கன்யாகுமரி மாவட்டம் கேட்டுக்கொண்டுள்ளது. பொதுநலன் மற்றும் சமூக அமைதி கருதி, இந்த போராட்டத்தை புறக்கணிப்பதே அனைவருக்கும் பயனளிக்கும் நடவடிக்கையாக இருக்கும் என்றும் அந்த அமைப்பு தெரிவித்துள்ளது.
