👁️ 860
‘வித் லவ்’ திரைப்படத்தை படக்குழுவுடன் சேர்ந்து கண்ட நடிகர் ரஜினிகாந்த்
‘வித் லவ்’ திரைப்படத்தின் பிரத்யேக திரையிடலை நடிகர் ரஜினிகாந்த், படத்தின் குழுவினருடன் இணைந்து பார்த்து ரசித்தார்.
ரஜினிகாந்தின் மகள் சௌந்தர்யா ரஜினிகாந்த் தயாரித்துள்ள இந்த திரைப்படத்தில், டூரிஸ்ட் ஃபேமிலி படத்தின் இயக்குநரான அபிஷன் ஜீவிந்த் கதாநாயகனாக அறிமுகமாகி உள்ளார். அவருக்கு ஜோடியாக அனஸ்வரா ராஜன் நடித்துள்ளார்.
RelatedPosts
வரும் பிப்ரவரி 6ஆம் தேதி திரையரங்குகளில் வெளியாக உள்ள இந்த படத்தின் சிறப்பு காட்சி, சென்னை சத்யம் திரையரங்கில் நடைபெற்றது. இந்த நிகழ்வில் கலந்து கொண்ட ரஜினிகாந்த், படக்குழுவினருடன் சேர்ந்து திரைப்படத்தை பார்த்து பாராட்டினார்.
மேலும் இந்த சிறப்பு காட்சியில் நடிகர்கள் சசிகுமார், விக்ரம் பிரபு, எஸ்.ஜே.சூர்யா, சமுத்திரக்கனி மற்றும் நடிகைகள் சிம்ரன், ஸ்ருதி ஹாசன் உள்ளிட்ட பலரும் கலந்து கொண்டு படத்தை ரசித்தனர்.
