ஹெச்.ராஜாவின் உடல்நிலை சீராகிறது – நயினார் நாகேந்திரனுடன் மகிழ்ச்சியாக உரையாடும் காட்சி வெளியீடு
உடல்நலப் பிரச்சினை காரணமாக சென்னை அப்போலோ மருத்துவமனையில் சிகிச்சை பெற்று வரும் பாஜக தேசிய செயற்குழு உறுப்பினர் ஹெச்.ராஜாவை, தமிழக பாஜக மாநில தலைவர் நயினார் நாகேந்திரன் நேரில் சந்தித்து உடல்நிலை குறித்து விசாரித்தார்.
இதுகுறித்து அவர் வெளியிட்டுள்ள அறிக்கையில், ஹெச்.ராஜாவின் உடல்நிலை வேகமாக மேம்பட்டு வருவதை அறிந்து மிகுந்த மனநிறைவு ஏற்பட்டதாக தெரிவித்துள்ளார். அவர் விரைவில் முழுமையாக குணமடைந்து, முந்தைய உற்சாகத்துடன் மீண்டும் மக்கள் சேவையில் ஈடுபடுவார் என்பதில் எந்த ஐயமும் இல்லை எனவும் கூறியுள்ளார்.
மேலும், ஹெச்.ராஜாவுடன் மகிழ்ச்சியாக சிரித்துப் பேசும் தருணங்களை பதிவு செய்த வீடியோவையும் நயினார் நாகேந்திரன் தனது சமூக வலைதளங்களில் பகிர்ந்துள்ளார்.
