சமுதாயத்தில் எந்த விதமான வேறுபாடுகளுக்கும் இடமில்லை – மோகன் பாகவத்
சமூக வாழ்வில் எவ்விதமான பாகுபாடுகளும் நிலவக் கூடாது என்று ஆர்.எஸ்.எஸ் அமைப்பின் தலைவர் மோகன் பாகவத் தெரிவித்துள்ளார்.
உத்தர பிரதேச மாநிலத்தின் மதுரா நகரில் நடைபெற்ற ஒரு நிகழ்ச்சியில் அவர் கலந்துகொண்டு உரையாற்றினார். அந்த நிகழ்வில், இந்து சமூகத்தின் ஒற்றுமை, சமத்துவம் மற்றும் சாதி வேறுபாடுகளை ஒழிப்பது தொடர்பான முக்கிய கருத்துகளை அவர் முன்வைத்தார்.
உலகம் முழுவதும் மொழி, சாதி, பிரிவு, சமூக அடையாளம் போன்ற பல காரணங்களால் மக்கள் பிளவுபட்டு இருப்பதை சுட்டிக்காட்டிய அவர், நாம் வாழும் சமூகத்தை ஒரே உடலாகக் கருத வேண்டும் என்றும், முழுமையான இந்து சமூகம் ஒன்றே என்ற நம்பிக்கை தனக்கு இருப்பதாகவும் தெரிவித்தார்.
மேலும், மகிழ்ச்சியிலும் துயரத்திலும் ஒருவருக்கொருவர் துணையாக நிற்கும் மனப்பாங்கு வளர வேண்டும் என்றும், அனைவரையும் நண்பர்களாக ஏற்றுக்கொண்டு நட்புடன் பழகும் பண்பு ஒவ்வொருவரிடமும் உருவாக வேண்டும் என்றும் மோகன் பாகவத் வலியுறுத்தினார்.
