ஜனநாயகன் திரைப்பட வெளியீடு தற்காலிக ஒத்திவைப்பு – படக்குழு அறிவிப்பு
நாளை திரையரங்குகளில் வெளியாக இருந்த ஜனநாயகன் திரைப்படத்தின் வெளியீடு தற்காலிகமாக நிறுத்தி வைக்கப்படுவதாக தயாரிப்பு தரப்பு அறிவித்துள்ளது.
இயக்குநர் ஹெச். வினோத் இயக்கத்தில் உருவாகியுள்ள இந்த படம், நடிகர் விஜய் நடித்த இறுதி திரைப்படமாக அறிவிக்கப்பட்டுள்ளதால், ரசிகர்களிடையே பெரும் எதிர்பார்ப்பை ஏற்படுத்தியுள்ளது.
பொங்கல் திருநாளை முன்னிட்டு, வரும் ஜனவரி 9ஆம் தேதி படம் வெளியாகும் என முன்பே அறிவிக்கப்பட்டிருந்தது. ஆனால், திரைப்படத்திற்கு இன்னும் தணிக்கைச் சான்றிதழ் வழங்கப்படாத காரணத்தால், தயாரிப்பு நிறுவனம் சென்னை உயர்நீதிமன்றத்தில் வழக்கு தொடர்ந்தது.
இந்த வழக்கில் இன்று தீர்ப்பு வழங்கப்படும் என நீதிமன்றம் அறிவுறுத்தியிருந்தது.
இந்நிலையில், படக்குழு வெளியிட்ட அதிகாரப்பூர்வ அறிக்கையில், தவிர்க்க இயலாத சூழ்நிலைகள் காரணமாக ஜனநாயகன் திரைப்படத்தின் வெளியீடு ஒத்திவைக்கப்படுவதாக தெரிவித்துள்ளது.
