ஓடும் ரயிலில் கல்லூரி மாணவிக்கு பாலியல் சீண்டல்: காவலர் சஸ்பெண்ட்
இயக்கத்தில் இருந்த ரயிலில் கல்லூரி மாணவியிடம் அத்துமீறிய முறையில் நடந்து கொண்ட சம்பவத்தில், ஒரு காவலர் பணியிடை நீக்கம் செய்யப்பட்டுள்ளார்.
சென்னையிலிருந்து கோயம்புத்தூர் நோக்கிச் சென்ற இன்டர்சிட்டி எக்ஸ்பிரஸ் ரயிலில், ஆர்.எஸ்.புரம் காவல் நிலையத்தில் பணியாற்றி வந்த சேக் முகமது என்பவர் பயணம் செய்தார். அதே ரயிலில், சென்னையில் உள்ள சட்டக் கல்லூரியில் கல்வி பயிலும் மாணவியும் கோயம்புத்தூருக்கு சென்று கொண்டிருந்தார்.
ரயில் காட்பாடி பகுதியை அணுகியபோது, மாணவியின் அருகில் அமர்ந்திருந்த அந்த காவலர், அவரை அசௌகரியப்படுத்தும் வகையில் பாலியல் தொந்தரவு செய்ததாக கூறப்படுகிறது.
இதனால் மனஅழுத்தமடைந்த மாணவி, தனது செல்பேசியில் அந்த சம்பவத்தை வீடியோவாக பதிவு செய்துள்ளார். பின்னர், இதுகுறித்து ரயில்வே காவல் துறைக்கு தகவல் வழங்கியதன் அடிப்படையில், அரக்கோணம் ரயில் நிலையத்தில் அந்த காவலரை ரயிலில் இருந்து இறக்கி வைத்து விசாரணை மேற்கொள்ளப்பட்டது.
இந்த சம்பவம் தொடர்பாக ரயில்வே போலீசார் வழக்குப் பதிவு செய்து விசாரணையை தொடரும் நிலையில், குற்றச்சாட்டுக்கு உள்ளான காவலர் சேக் முகமது பணியிடை நீக்கம் செய்யப்பட்டுள்ளார்.
