ஜம்பு மகரிஷி வழிபாட்டு சங்கம் நடத்திய முப்பெரும் விழா
திருப்பத்தூரில் ஜம்பு மகரிஷி வழிபாட்டு சங்கத்தின் சார்பில் விருது வழங்கும் நிகழ்ச்சி, நூல் வெளியீடு உள்ளிட்ட முப்பெரும் விழா சிறப்பாக நடைபெற்றது.
இறைஞான தத்துவ வழிகாட்டியான ஜம்புதாச அடிகளார் தலைமையில் நடைபெற்ற இந்த விழாவில், சமூக மற்றும் குல சேவைகளில் ஈடுபட்டு வரும் முனிசாமி என்பவருக்கு பாராட்டுச் சான்றிதழுடன் கூடிய விருது வழங்கப்பட்டது.
அதனைத் தொடர்ந்து, ஜம்பு மகரிஷியின் வரலாறும் போதனைகளும் இடம்பெற்ற நூல் பொதுமக்களின் பயன்பாட்டிற்காக வெளியிடப்பட்டது.
விழாவின் தொடக்கமாக சிலம்பம், ஒயிலாட்டம், மயிலாட்டம் உள்ளிட்ட பாரம்பரிய கலை நிகழ்ச்சிகள் நடத்தப்பட்டு, நிகழ்வுக்கு சிறப்பான உற்சாகம் அளித்தன.
