சென்னையில் தனியார் மருத்துவமனையில் கேரள முதல்வர் பினராயி விஜயன் சேர்ப்பு
கேரள மாநில முதலமைச்சர் பினராயி விஜயன், சென்னையில் செயல்பட்டு வரும் ஒரு தனியார் மருத்துவமனையில் இன்று அனுமதிக்கப்பட்டுள்ளார்.
ஒவ்வோர் ஆண்டும், சென்னை ஆயிரம் விளக்கு பகுதியில் அமைந்துள்ள அந்த முன்னணி மருத்துவமனையில் அவர் வழக்கமாக முழுமையான உடல் நல பரிசோதனையை மேற்கொள்வது வழக்கம்.
அதன் ஒரு பகுதியாக, இன்றைய தினம் வழக்கமான மருத்துவச் சோதனைகளுக்காக மருத்துவமனையில் சேர்க்கப்பட்ட பினராயி விஜயனுக்கு, இதய மின்தடம் (ECG), ரத்த பரிசோதனை உள்ளிட்ட பல்வேறு மருத்துவ பரிசோதனைகள் மேற்கொள்ளப்பட்டுள்ளன.
