திருப்பதி உண்டியல் நிதி முறைகேடு: தானே சம்பந்தப்பட்டதை ஜீயர் ரவிக்குமார் கண்கலங்க ஒப்புதல்
திருப்பதி ஏழுமலையான் கோயிலின் உண்டியல் காணிக்கை திருடப்பட்டது உண்மை என, கோவில் முன்னாள் தலைமை எழுத்தராக இருந்த ஜீயர் ரவிக்குமார் கண்ணீர் மல்கக் கூறிய வீடியோ ஒன்று தற்போது வெளியானது.
ஆந்திர மாநிலத்தின் முன்னாள் முதலமைச்சர் ஜெகன்மோகன் ரெட்டியின் ஆட்சி காலத்தில், திருப்பதி தேவஸ்தான உண்டியலில் இருந்த சுமார் 100 கோடி ரூபாய் மதிப்பிலான வெளிநாட்டு நாணயங்கள் காணாமல் போனதாக பெரிய சர்ச்சை எழுந்தது. இந்த விவகாரத்தில், சிசிடிவி காட்சிகள் அடிப்படையில் ரவிக்குமாரை லஞ்ச ஒழிப்புத்துறை அதிகாரிகள் கைது செய்து போலீசில் ஒப்படைத்தனர்.
பின்னர் இந்த வழக்கு லோக் அதாலத் நீதிமன்றத்திற்கு மாற்றப்பட்ட நிலையில், திருப்பதி தேவஸ்தானத்துக்கும் ரவிக்குமாருக்கும் இடையே சமரசம் ஏற்பட்டது. திருடப்பட்ட பணத்தில் பெற்ற சொத்துகளை தேவஸ்தானத்திற்கு மீண்டும் ஒப்படைக்க ரவிக்குமார் ஒப்புக்கொண்டார். இதையடுத்து, அவர் உணர்ச்சிவசப்பட்டு அழுதபடி பதிவிட்ட வீடியோ இணையத்தில் பரவியது.
அந்த வீடியோவில், திருப்பதி உண்டியல் காணிக்கை பணம் திருடப்பட்டமை உண்மை எனத் தானே இணைந்திருப்பதை ரவிக்குமார் ஒப்புக் கொண்டார். மேலும், தனது சொத்துகளில் 90% பகுதியை ஏழுமலையான் தேவஸ்தானத்திற்கு எழுதி வழங்கியதாகவும் கூறினார். தன்னை தொடர்ந்து துன்புறுத்துவதாகவும் வலியுறுத்தினார்.
இத்துடன், “இந்தச் செயலில் வேறு யாருக்கும் பணம் கொடுத்ததாக கூறுவது முற்றிலும் பொய்யானது” என்றும், தேவையெனில் நீதிமன்றம் எத்தனை முறை விசாரணை நடத்தியாலும் எதிர்கொள்ளத் தயாராக உள்ளதாகவும் தெரிவித்துள்ளார்.
