“கோவில் பணம் ஸ்வாமிக்கும் சொந்தம்” – கோ-ஆப்ரேட்டிவ் வங்கிகள் நடத்த முடியாது: உச்சநீதிமன்றம் முக்கிய தீர்ப்பு
கோவில்களில் சேகரிக்கப்படும் காணிக்கை மற்றும் ஒப்பந்தங்களைச் சேர்ந்த நிதி, அந்தக் கோவிலில் வீற்றிருக்கும் தெய்வத்தின் சொத்தாகும்; அந்தப் பணத்தை கோ-ஆப்ரேட்டிவ் வங்கிகள் நடத்தவும் பயன்படுத்தவும் முடியாது என்று உச்சநீதிமன்றம் முக்கிய தீர்ப்பொன்றை வழங்கியுள்ளது.
கேரள மாநில கோ-ஆப்ரேட்டிவ் வங்கியின் மேலாண்மை சார்பில் தாக்கல் செய்யப்பட்ட மனுவில், கோவில் நிதிகளை கோ-ஆப்ரேட்டிவ் வங்கி மூலம் நிர்வகிக்க அனுமதி கோரப்பட்டது. இதற்கு எதிராக பல தரப்புகள், கோவில் நிதி என்பது பொதுமக்களின் சொத்து அல்ல; அது சட்டபூர்வமாக “டிவைன் என்டிட்டி” எனக் கருதப்படும் தெய்வத்தின் சொத்தாகும் என வாதிட்டன.
வழக்கை விசாரித்த உச்சநீதிமன்றம், கோவில் நிதி என்பது தனி உரிமையாளரற்ற பொதுத்தொகை அல்ல; அது கோவிலில் உள்ள ஸ்வாமிக்கும் சொந்தமான மத நிதி என்று கூறி, அந்த நிதியை கோ-ஆப்ரேட்டிவ் வங்கி நிர்வகிக்க முடியாது என்று தெளிவாகக் கூறியுள்ளது.
மேலும், கோவில் நிதிகளை ஆய்வு, பராமரிப்பு மற்றும் பயன்படுத்துவதற்கான அதிகாரம் சம்பந்தப்பட்ட கோவில் நிர்வாகத்துறையிடம் மட்டுமே உள்ளதாகவும், அந்த பொறுப்பை வேறு நிறுவனங்களுக்கு மாற்றிக் கொடுக்க முடியாது என்பதையும் நீதிமன்றம் வலியுறுத்தியது.
இந்த தீர்ப்பு கேரளத்தையே அல்லாமல், நாடு முழுவதும் கோவில் நிதி நிர்வாகம் தொடர்பான எதிர்கால வழக்குகளுக்கும் முக்கிய முன்னுதாரணமாக பார்க்கப்படுகிறது.
