உலகப் புகழ்பெற்ற சிதம்பரம் நடராஜர் கோயிலுக்கு நடிகர் ஜெயராம் தனது மனைவியுடன் வந்து, தெய்வ தரிசனம் செய்தார்.
மலையாள திரையுலகின் முன்னணி நடிகரான ஜெயராம், சிதம்பரத்தை வந்தடைந்தபோது, கோயில் தீட்சிதர்கள் அவர்களுக்கு மரியாதையுடன் வரவேற்பு அளித்தனர். அடுத்து, திருக்கோயிலில் அருள்மிகு நடராஜப் பெருமானை வழிபட்டு, பிரசாதமும் பெற்றனர்.
பின்னர் செய்தியாளர்களிடம் பேசிய ஜெயராம், “30 ஆண்டுகளுக்கு பிறகுதான் இந்த கோயிலுக்கு வருவது ஏற்பட்டது” என்று தெரிவித்தார். தற்போது தனுஷுடன் புதிய படத்தில் நடித்து வருவதாகவும், நீண்ட இடைவெளிக்குப் பிறகு நடிகை ஊர்வசியுடன் மீண்டும் இணைந்து பணியாற்றி வருவது மகிழ்ச்சியளிப்பதாகவும் கூறினார்.
இதன் தொடர்ச்சியாக, கும்பகோணம் கும்பேஸ்வரர் கோயிலுக்கும் ஜெயராம் சென்றார். சுமார் 50 ஆண்டுகளுக்கு பிறகு அந்தக் கோயிலுக்கு வருகிறேன் என அவர் கூறினார். கோயில் நிர்வாகத்தினர் அவரையும், அவரது குடும்பத்தினரையும் உளமார வரவேற்றனர்.
திருக்கோயில் யானைக்கு பிரசாதம் அளித்த நடிகர் ஜெயராம், பிரதான சந்நதியில் சுவாமி தரிசனம் செய்து வழிபட்டார். பின்னர் ஊடகங்களிடம் பேசிய அவர், சிறுவயதில் கும்பேஸ்வரர் மற்றும் சாரங்கபாணி கோயில்களுக்கு அடிக்கடி வந்ததை நினைவுகூர்ந்தார். மேலும், நடைபெறவிருக்கும் கும்பாபிஷேகத்தை முன்னிட்டு இந்த தரிசனம் செய்ததாக தெரிவித்தார்.
