மூடிஸ் நிறுவனம் வெளியிட்ட குளோபல் மேக்ரோ அவுட்லுக் 2026-27 அறிக்கையில் இந்திய பொருளாதார வளர்ச்சி குறித்து தகவல் வழங்கியுள்ளது. அறிக்கையில் கூறியதாவது, “வலுவான உள்கட்டமைப்பு, பன்முகப்படுத்தப்பட்ட ஏற்றுமதி மற்றும் வலுவான உள்நாட்டு தேவை ஆகியவை இந்தியாவின் வளர்ச்சிக்கு உறுதியான ஆதாரமாக உள்ளன. இதனால் இந்திய பொருளாதாரம் 2027 வரையிலும் 6.5% வளர்ச்சி அடையும் என்று எதிர்பார்க்கப்படுகிறது.”
உலகளாவிய நிச்சயமற்ற சூழல் மற்றும் வர்த்தக தடைகள், குறிப்பாக சில ஏற்றுமதிகளுக்கு அமெரிக்காவின் உயர்ந்த வரி விதிப்பின்போதும், இந்திய வளர்ச்சி மீள்தன்மை வாய்ந்ததாக இருப்பதை இந்த அறிக்கை குறிப்பிட்டுள்ளது.
அமெரிக்காவுக்கான சில பொருட்களுக்கு 50% வரி விதிக்கப்பட்ட போதும், இந்திய ஏற்றுமதியாளர்கள் தங்களது பொருட்களை புதிய சந்தைகளுக்கு மாற்றுவதில் வெற்றி பெற்றுள்ளனர். செப்டம்பர் மாதத்தில் அமெரிக்காவுக்கான ஏற்றுமதி 11.9% குறைந்ததாக இருந்த போதும், ஒட்டுமொத்த ஏற்றுமதி செப்டம்பரில் 6.75% அதிகரித்துள்ளதாக அறிக்கை குறிப்பிட்டுள்ளது.
