அயோத்தி ராம நவமி: பால ராமர் சிலையில் ‘சூரிய திலகம்’ – பல்லாயிரக்கணக்கான பக்தர்கள் பரவசம்!
RelatedPosts
ஸ்ரீராமபிரான் அவதரித்த தினமான ராம நவமி விழா இன்று நாடு முழுவதும் கோலாகலமாகக் கொண்டாடப்பட்டு வருகிறது. இதன் முக்கிய நிகழ்வாக, உத்தரப்பிரதேச மாநிலம் அயோத்தியில் உள்ள ராமர் கோயிலில் பல்லாயிரக்கணக்கான பக்தர்கள் திரண்டு சுவாமி தரிசனம் செய்தனர். அதிகாலை முதலே அயோத்திக்கு வருகை தந்த பக்தர்கள், புனித சரயு நதியில் நீராடிவிட்டு நீண்ட வரிசையில் காத்திருந்து பால ராமரை வழிபட்டனர்.
இந்த ஆண்டு ராம நவமி விழாவின் மகுடமாக, அயோத்தி ராமர் கோயிலில் ஒரு அபூர்வ நிகழ்வு நடைபெற்றது. பால ராமர் சிலையின் நெற்றியில் சூரியக் கதிர்கள் சரியாக விழுந்து, திலகம் இட்டது போன்ற ‘சூரிய திலகம்’ நிகழ்வு அரங்கேறியது. நவீன அறிவியல் மற்றும் தொழில்நுட்பக் கலைநயத்துடன் அமைக்கப்பட்ட இந்த அற்புதக் காட்சியைக் கண்ட பக்தர்கள் மிகுந்த பரவசமடைந்தனர். ராம நவமியை முன்னிட்டு நடைபெற்ற இந்தச் சிறப்பு வழிபாட்டில் நாட்டின் பல்வேறு பகுதிகளில் இருந்தும் வந்திருந்த ஆயிரக்கணக்கான பக்தர்கள் கலந்துகொண்டு அருள்பெற்றனர்.
