மும்பையில் ஆர்எஸ்எஸ் கருத்தரங்கு – சல்மான் கான் பங்கேற்பு கவனம் ஈர்ப்பு
ஆர்எஸ்எஸ் அமைப்பின் நூற்றாண்டு விழாவை முன்னிட்டு மும்பையில் நடைபெற்ற இரு நாள் கருத்தரங்கில் பிரபல பாலிவுட் நடிகர் சல்மான் கான் கலந்துகொண்டார்.
ஆர்எஸ்எஸ் நூற்றாண்டை கொண்டாடும் வகையில் நாடு முழுவதும் பல்வேறு நிகழ்ச்சிகள் நடத்தப்பட்டு வரும் நிலையில், அதன் ஒரு பகுதியாக மும்பையில் இந்த கருத்தரங்கு ஏற்பாடு செய்யப்பட்டது. இதில் சல்மான் கான் சிறப்பு விருந்தினராக பங்கேற்றார்.
இந்த கருத்தரங்கில் பொதுமக்கள் நேரடியாக கலந்துகொண்டு, ஆர்எஸ்எஸ் தலைவர்களிடம் தங்களது சந்தேகங்கள் மற்றும் கருத்துகளை முன்வைக்கும் வாய்ப்பு வழங்கப்பட்டது.
ஆர்எஸ்எஸ் அமைப்பின் நூற்றாண்டு பயணம், அதன் கொள்கைகள், சமூகத்தில் ஏற்படுத்திய தாக்கம் உள்ளிட்ட அம்சங்களை மையமாகக் கொண்டு விவாதங்கள் நடைபெற்றன. இந்நிகழ்ச்சியில் சல்மான் கான் கலந்து கொண்டது அனைவரிடமும் பெரும் கவனத்தை ஈர்த்தது.
