இந்து தெய்வச் சிலை இடிப்பு – இந்தியா கடும் கவலை தெரிவித்தது
கம்போடியா எல்லைப் பகுதியில் அமைந்திருந்த ஒரு இந்து தெய்வச் சிலையை தாய்லாந்து ராணுவம் இடித்ததாக வெளியான தகவல்கள் தொடர்பாக, இந்தியா கடும் கவலை தெரிவித்துள்ளது. இது குறித்து இந்திய வெளியுறவு அமைச்சகம் அதிகாரப்பூர்வ அறிக்கையை வெளியிட்டுள்ளது.
அந்த அறிக்கையில்,
“கம்போடியா எல்லையில் இந்து மதச் சிலை இடிக்கப்பட்டதாக கூறப்படும் சம்பவம் மிகவும் கவலைக்குரியது. இச்சம்பவம் உலகம் முழுவதும் உள்ள இந்து மற்றும் புத்த மத மக்களின் மத உணர்வுகளை புண்படுத்தும் வகையில் உள்ளது” என குறிப்பிடப்பட்டுள்ளது.
மேலும், மத நம்பிக்கைகள் மற்றும் வழிபாட்டு அடையாளங்களை அவமதிக்கும் இத்தகைய செயல்கள் எங்கும் நடைபெறக்கூடாது என்றும், கலாச்சார மற்றும் ஆன்மிக பாரம்பரியங்களை பாதுகாப்பது அனைத்து நாடுகளின் பொறுப்பாகும் என்றும் இந்தியா வலியுறுத்தியுள்ளது.
இந்த சம்பவம் தொடர்பாக சம்பந்தப்பட்ட தரப்புகள் பொறுப்புடன் நடந்து கொண்டு, எதிர்காலத்தில் இதுபோன்ற நிகழ்வுகள் மீண்டும் நடைபெறாத வகையில் நடவடிக்கை எடுக்க வேண்டும் எனவும் இந்திய வெளியுறவு அமைச்சகம் கேட்டுக் கொண்டுள்ளது.
இந்த விவகாரம் சர்வதேச அளவில் கவனம் பெற்றுள்ள நிலையில், இந்து மற்றும் புத்த மத அமைப்புகள் பலவும் இதற்கு கண்டனம் தெரிவித்து வருகின்றன.
