இந்துக்களுக்கு எதிரான தாக்குதல்: வங்கதேசம் பாகிஸ்தான் நெருக்கடி வெடிக்கும் மண்டலமாக மாறியது
இந்துக்கள் மற்றும் இந்திய தூதரக அதிகாரிகள் பாதுகாப்பின்றி இருப்பதால், இந்தியா வங்கதேசத்துக்கான விசா சேவைகளை நிறுத்தியுள்ளது. பதிலாக, வங்கதேச அரசு தங்கள் விசா சேவைகளையும் நிறுத்தி வைப்பதாக அறிவித்துள்ளது. இதனால் இரு நாடுகளுக்கிடையிலான உறவுகள் மேலும் மோசமடைந்துள்ளன. இதுபற்றி ஒரு செய்தி தொகுப்பு:
கடந்த ஆண்டு ஐடா ஒதுக்கீட்டு எதிர்ப்பு மாணவர் போராட்டம், திடீரென முன்னாள் பிரதமர் ஷேக் ஹசீனாவின் ஆட்சிக்குப் எதிராக மாறியது. தலைநகர் டாக்கா மற்றும் பல நகரங்களில் நடந்த வன்முறை நிகழ்ச்சியில் 500க்கும் மேற்பட்டோர் உயிரிழந்தனர். பிறகு, பிரதமர் பதவியில் இருந்த ஷேக் ஹசீனா தஞ்சமடைந்தார். பின்னர் முகமது யூனுஸ் தலைமையிலான இடைக்கால அரசு பொறுப்பேற்றதும், இந்துக்களுக்கும் இந்தியாவுக்கும் எதிரான வன்முறை தொடர்ந்தது. முகமது யூனுஸ் இதை தனது நாட்டின் உள்நாட்டு விஷயங்கள் எனக் கூறி, இந்தியா இதில் தலையீடு செய்யக் கூடாது என்றும் தெரிவித்துள்ளார்.
இது காரணமாக, இரு நாடுகளுக்கிடையிலான உறவுகள் தினம் தினம் மோசமாகி வருகிறது. வங்கதேச சர்வதேச குற்றவியல் தீர்ப்பாயம், ஷேக் ஹசீனாவுக்கு மரண தண்டனை விதித்துள்ளது. இந்தியாவிடம், கைதான ஷேக் ஹசீனாவை ஒப்படைக்க வலியுறுத்தி வருகிறது. சமீபத்தில், ஷேக் ஹசீனாவின் அவாமி லீக் அரசின் வீழ்ச்சிக்கு வழிவகுத்த போராட்டங்களைத் தலைமையிடச் செய்த மாணவர் அமைப்பான இன்குலாப் மஞ்ச் தலைவரான ஷெரீப் உஸ்மான் ஹாடியின் மரணத்துக்குப் பிறகு, வங்கதேசத்தில் இந்தியாவுக்கு எதிரான கோஷங்களுடன் மீண்டும் வன்முறை வெடித்துள்ளது.
இரண்டு முக்கிய பத்திரிகை அலுவலகங்கள் தீ வைத்து சேதம் செய்யப்பட்டன. கடந்த டிசம்பர் 18 ஆம் தேதி, வங்கதேச இரண்டாவது பெரிய நகரான சிட்டகாங்கில் உள்ள இந்திய துணை தூதரகமும், தூதரக அதிகாரியின் இல்லமும் தாக்குதலுக்கு இலக்காகி, இதையடுத்து இந்தியா வங்கதேச மக்களுக்கு வழங்கும் விசா சேவைகளை நிறுத்தியுள்ளதாக மத்திய அரசு அறிவித்துள்ளது.
வங்கதேசம் முழுவதும், டாக்கா, சிட்டகாங் மற்றும் ராஜ்ஷாஹி உள்ள இந்திய தூதரகங்கள், மற்ற எந்த தூதரகத்துக்கும் வைக்காத அளவில் அதிகமான இந்திய விசாக்களை வழங்கி வந்தன. விசா பெறுவதற்கான மையங்கள் சிட்டகாங், சில்ஹெட், ராஜ்ஷாஹி, குல்னா, மைமென்சிங், ரங்பூர், பாரிசல், ஜெஸ்ஸோர், தாகுர்கான், போகுரா, குமிலா, நோகாலி, பிரம்மன்பாரியா மற்றும் சத்கிரா ஆகிய 14 இடங்களில் இயங்கின. இந்த மையங்கள் ஆண்டுக்கு சுமார் 5,00,000க்கும் மேற்பட்ட விசா விண்ணப்பங்களை செயல்படுத்துகின்றன.
இந்த விசாக்கள் இந்தியாவிடம் இலவசமாக வழங்கப்பட்டாலும், வங்கதேச அரசு இந்தியர்களுக்கான விசாவிற்கு கட்டணம் வசூலித்துள்ளது. மேலும், வங்கதேசத்தில் மைமென்சிங் மாவட்டத்தில் 25 வயதான தீபு சந்திர தாஸ் எனும் இந்து இளைஞரை மதவன்முறையாளர்கள் தாக்கி கொன்று தீ வைத்து எரித்த சம்பவம் ஏற்பட்டுள்ளது.
இந்துக்களுக்கு எதிரான தொடர்ந்த தாக்குதல்களை கண்டித்து, மேற்கு வங்க சட்டமன்ற எதிர்கட்சித் தலைவர் மற்றும் பாஜகவின் மூத்த தலைவர் சுவேந்து அதிகாரி தலைமையில் கொல்கத்தாவில் கண்டனப் பேரணி நடைபெற்றது. நிஜாம் அரண்மனையிலிருந்து பெக்பாகன் வரை நடைபெற்ற பேரணியில் பல்லாயிரக்கணக்கான பொதுமக்கள் மற்றும் பாஜகவினர் கலந்து கொண்டனர்.
சுவேந்து அதிகாரி வலியுறுத்தியதாவது, முகமது யூனுஸ் தலைமையிலான அரசு இந்துக்களுக்கு எதிராக செயல்பட்டவர்களை கைது செய்து உரிய தண்டனை அளிக்க வேண்டும்; சிறுபான்மை இந்துக்களின் பாதுகாப்பு உறுதி செய்யப்பட வேண்டும் என்பதாகும்.
மேலும், இந்துக்கள் மீதான தாக்குதல்கள் தொடர்ந்தால், வரும் டிசம்பர் 24 ஆம் தேதி மாநிலம் முழுவதும் சாலை மறியல் போராட்டமும், 26 ஆம் தேதி தூதரக முற்றுகை போராட்டமும் நடைபெறும் என அவர் அறிவித்துள்ளார். சமீப காலத்தில் வங்கதேசத்தில் இயங்கும் சில இஸ்லாமிய பயங்கரவாத அமைப்புகள் இந்தியாவுக்கு எதிரான வன்முறை கருத்துக்களைத் தெரிவித்து வருகின்றன. பொதுத்தேர்தல் நடைபெறுவதால் புதிய ஜனநாயக அரசு அமைக்கப்படும் போது, பாகிஸ்தான் மற்றும் முகமது யூனுஸ் கூட்டணியாய் இந்தியாவுக்கு எதிரான பெரும் நடவடிக்கையில் ஈடுபடலாம் என உளவுத் துறை தகவல்கள் தெரிவித்துள்ளன.
