திருப்பரங்குன்றம் மலை உச்சி தீபத்தூண் விவகாரம் குறித்து தேசிய ஆர்எஸ்எஸ் சங்க் (RSS) தலைவர் மோகன் பகவத் தெரிவித்துள்ளார். திருச்சியில் நடைபெற்ற சங்க் நிகழ்ச்சியில் கலந்து கொண்டு உரையாற்றிய அவர், இந்த பிரச்சினை குறித்த தனது கருத்துகளை வெளிப்படுத்தினார்.
பரபரப்பை ஏற்படுத்திய அவரது கருத்தில்,
“இந்துக்களின் பலத்தை அடிப்படையாக கொண்டு மட்டுமே இந்தப் பிரச்சினையை தீர்க்க முடியும். திருப்பரங்குன்றம் பிரச்சினை இந்துக்களுக்கு சாதகமாக தீர்க்கப்பட வேண்டும். இப்பிரச்சினையை மேலும் தீவிரப்படுத்த முடியும். ஆனால் அது நீதிமன்றத்தில் உள்ளதால் தீர்க்கப்பட்டுவிடும் என்று நம்புகிறேன்,”
என்று மோகன் பகவத் கூறினார்.
திருப்பரங்குன்றம் மலை உச்சியில் தீபம் ஏற்றப்பட்டதைத் தொடர்ந்து பல்வேறு தரப்புகள் கருத்து தெரிவித்த நிலையில், RSS தலைவரின் இக்கருத்து புதிய அரசியல் மற்றும் சமூக விவாதத்தை கிளப்பியுள்ளது. நீதிமன்றத்தில் விவகாரம் நிலுவையில் உள்ள சூழலில், உயர்மட்டத் தலைவர் ஒருவர் உரையாற்றியிருப்பது கவனத்தை ஈர்த்துள்ளது.
திருப்பரங்குன்றம் தீபத்தூண் சம்பவம் தற்போது தமிழக அரசியல், சமய மற்றும் சட்ட வட்டாரங்களில் பெரும் விவாதத்தையும் பதற்றத்தையும் ஏற்படுத்தி வரும் நிலையில், மோகன் பகவத் வெளியிட்டுள்ள இந்தக் கருத்து மேலும் பல எதிர்வினைகளை உருவாக்கும் எனக் கணிக்கப்படுகிறது.
