கராச்சியில் சிறப்பாக வெளிப்படுத்தப்பட்ட மகாவதார் நரசிம்மர் அனிமேஷன் திரைப்படம்!
பாகிஸ்தானின் கராச்சி மாநகரில் அமைந்துள்ள கோயிலில் மகாவதார் நரசிம்மரை மையமாகக் கொண்ட அனிமேஷன் திரைப்படம் திரையிடப்பட்டதில், எண்ணற்ற பக்தர்கள் ஆன்மிக உணர்வுடன் கலந்து கண்டு மகிழ்ந்தனர்.
விஷ்ணுவின் அர்ப்பணிப்பு நிறைந்த அடியாரான பிரகலாதனின் கதையை இணைத்து, இயக்குநர் அச்வின் குமார் உருவாக்கிய இந்த அனிமேஷன் படம் பெரும் வரவேற்பைப் பெற்றது.
சுமார் 15 கோடி ரூபாய் செலவில் தயாரிக்கப்பட்ட இத்திரைப்படம், உலகளாவிய அளவில் 310 கோடிக்கும் மேல் வருவாய் ஈட்டிய சாதனையையும் படைத்தது. மேலும், சிறந்த அனிமேஷன் படத்திற்கான ஆஸ்கர் பரிந்துரை பட்டியலிலும் இடம்பிடித்துள்ளது.
இந்த வரிசையில், கராச்சியில் உள்ள சுவாமி நாராயணன் கோயிலில் இந்த மகாவதார் நரசிம்மர் அனிமேஷன் திரைப்படம் சிறப்பு திரையிடலாக நடைபெற்றது.
பெரும் கூட்டம் திரண்டதால், இந்த நிகழ்வு அரிய ஆன்மிக விழாவாக வெளிப்பட்டது.
பக்திப் பரவசத்தில் ஒரு திரைப்படம் திரையிடப்பட்டிருப்பது கராச்சியில் இதுவே முதன்முறையாகும் என்றும் இது மதச் சகோதரத்துவ உணர்வை வெளிப்படுத்துவதாகவும் நிகழ்வு ஒருங்கிணைப்பாளர்கள் குறிப்பிட்டனர்.
