ஜவுளித்துறைக்கு ரூ.305 கோடியில் புதிய மேம்பாட்டு திட்டம்
மத்திய ஜவுளித்துறை அமைச்சகம் புதிய ஆராய்ச்சி மற்றும் கண்டுபிடிப்புகளை ஊக்குவிக்கும் திட்டத்திற்கு ஒப்புதல் வழங்கியுள்ளது.
இந்த டெக்ஸ்–ராம்ப்ஸ் திட்டம், ஜவுளித்துறையில் ஆராய்ச்சி, மதிப்பீடு மற்றும் புத்தொழில் போன்ற அம்சங்களை முன்னிலை வைத்துக்கொண்டு, சுமார் 305 கோடி ரூபாய் செலவில் வடிவமைக்கப்பட்டுள்ளது.
2025 முதல் 2031-ம் நிதியாண்டு வரை நடைமுறையில் இருக்கும் இந்த திட்டத்திற்கு தேவையான நிதி மத்திய ஜவுளி அமைச்சகம் வழங்கும் என்று அதிகாரிகள் தெரிவித்துள்ளார்.
இந்தத் திட்டத்தின் மூலம், இந்திய ஜவுளி மற்றும் ஆடை துறையை எதிர்காலத் தேவைகளுக்கு ஏற்ப தயார்படுத்த முயற்சி மேற்கொள்ளப்படுவதாகவும் தகவல்கள் தெரிவிக்கின்றன.
