விசா தாமதம் — மணிகா பத்ரா கவலை
இந்திய டேபிள் டென்னிஸ் நட்சத்திரமான மணிகா பத்ரா, வரவிருக்கும் WTT ஸ்டார் கன்டென்டர் தொடரில் பங்கேற்கவுள்ள நிலையில், அவரின் விசா தாமதம் பெரும் சிக்கலாகியுள்ளது.
அக்டோபர் 20 முதல் லண்டனில் நடைபெறும் இத்தொடரில், மணிகாவுடன் சத்தியன் ஞானசேகரன், ஹர்மீத் தேசாய், தியா சித்லே ஆகியோரும் இந்தியாவை பிரதிநிதித்துவப்படுத்த உள்ளனர்.
ஆனால், இன்னும் விசா வழங்கப்படவில்லை என மணிகா தனது சமூக வலைதளத்தில் கவலை தெரிவித்துள்ளார்.
“நானும் எனது அணியினரும் சீனாவில் இருந்து நேரடியாக லண்டன் செல்லும் வகையில் விசாவுக்கு முன்பே விண்ணப்பித்தோம். பயிற்சிக்காக அக்டோபர் 17-ம் தேதி புறப்பட திட்டமிட்டிருந்தோம். ஆனால், விசா நிலை குறித்த எந்த புதுப்பிப்பும் இல்லை. இப்போது 19-ம் தேதி புறப்பட திட்டமிட்டுள்ளோம்.
எனது முதல் போட்டி அக்டோபர் 21-ம் தேதி. போட்டியில் கவனம் செலுத்த வேண்டிய நேரத்தில், விசா நிலையைப் பற்றி தொடர்ந்து விசாரிக்க வேண்டி உள்ளது. மற்ற நாடுகளின் வீரர்கள் லண்டனுக்கு சென்று கொண்டிருப்பதைப் பார்க்கும் போது மனம் வருந்துகிறது,” என அவர் பதிவிட்டுள்ளார்.
அதே நேரத்தில், விசா செயல்முறைகளின் வழக்கமான நேரத்தைப் புரிந்துகொள்கிறோம், ஆனால் இது வெறும் சுற்றுலா அல்ல — நாட்டை சர்வதேச அரங்கில் பிரதிநிதித்துவப்படுத்தும் முக்கியமான பயணம் என மணிகா வலியுறுத்தியுள்ளார்.
