சத்தீஸ்கர் மாநிலம் சீனாவுக்கு தாமிரப் பொருட்களை ஏற்றுமதி செய்வதில் நாடு முழுவதும் முன்னிலை பெற்றுள்ளது என்று அதிகாரப்பூர்வ தகவல்கள் தெரிவிக்கின்றன.
சத்தீஸ்கர் மாநிலத்தின் ஒரு மூத்த உயரதிகாரி இதுகுறித்து தெரிவித்துள்ளார்:
மாநிலம் தாமிரம் மற்றும் அதனைச் சார்ந்த செறிவூட்டப்பட்ட பொருட்கள் ஏற்றுமதியில் குறிப்பிடத்தக்க சாதனைப் படைத்துள்ளது. குறிப்பாக, சீனாவுக்கு மட்டும் 12,000 மெட்ரிக் டன் தாமிர செறிவூட்டப்பட்ட பொருட்கள் அனுப்பி வைக்கப்பட்டுள்ளன. இந்த மிகப்பெரிய ஏற்றுமதி ராய்ப்பூர் மல்டி-மாடல் லாஜிஸ்டிக் பார்க் வழியாக மேற்கொள்ளப்பட்டது.
இந்த சாதனை, இந்தியாவின் தொழில்துறை மற்றும் லாஜிஸ்டிக்ஸ் துறைகளில் சத்தீஸ்கர் மாநிலம் வேகமாக உருவாக்கி வரும் வலிமையை தெளிவாக வெளிப்படுத்துவதாக அவர் குறிப்பிட்டார்.
குறிப்பிடத்தக்கது என்னவெனில், இதற்கு முன்பு நவம்பர் 11ஆம் தேதி 2,200 மெட்ரிக் டன் தாமிரம் விசாகப்பட்டினம் துறைமுகத்திலிருந்து கடல்வழியாக சீனாவுக்கு அனுப்பப்பட்டது.
