நினைத்ததை நிறைவேற்றும் அகரம் பாலமுருகன் — ஞாயிறு தரிசனம்
பெருமை மிக்க தலம்
மூலவர்: பாலமுருகன்
உற்சவர்: சுப்பிரமணியர்
தல வரலாறு
பல ஆண்டுகளுக்கு முன்பு, ராயக்கோட்டையிலிருந்து ஓசூர் நோக்கி உபன்யாசம் செய்ய சென்ற முருக பக்தரின் வழியை ஒரு நாகம் மறைத்ததாகக் கூறப்படுகிறது. பக்தர் மனமுவந்து வேண்டுகோள் விடுத்ததும், நாகம் நகர ஆரம்பிக்கிறது. அது சற்று தூரம் சென்றபின் புதர்களால் சூழப்பட்ட புற்றருகே திடீரென மறைந்து போகிறது.
அந்த இடத்தை ஆராய்ந்த போது முன்பு அங்கே கோயிலும் மண்டபமும், திருக்குளமும் இருந்ததற்கான தடயங்கள் வெளிப்பட்டன. அன்னியர் படையெடுப்பு காலத்தில் அழிக்கப்பட்ட அந்தத் தலத்தை புதுப்பிக்க முடிவு செய்த பக்தர், பாலமுருகனின் சிலை நிறுவி புனரமைப்பு செய்து, தினசரி பூஜைகளை தொடங்கினார். தற்போது பண்டைய சந்நிதியருகே புதிய ஆலயம் எழுந்துள்ளது.
தெய்வத்தின் அருள்குறி
கருவறையில் நான்கு கரங்களுடன், மயில் வாகன முன் நின்ற கோலத்தில் பாலமுருகன் அருள்பாலிக்கிறார்.
ஒருமுறை தேங்காய் வியாபாரி ஒருவருக்கு, லாரி ஓட்டுநர் பாலமுருகனுக்காக ஒரு தேங்காய் கேட்டபோது, அவர் அவமதித்துப் பேசினார் —
“பாலமுருகனுக்கு என்ன கொம்பு முளைத்திருக்கிறதா?”
அந்தச் சில நொடிகளிலேயே லாரியில் இருந்த ஒரு தேங்காயில் இரண்டு கொம்புகள் தென்பட்டன!
அதிர்ச்சி அடைந்த வியாபாரி மன்னிப்பு கேட்டுப், அந்த தேங்காயை கோயிலில் வைத்து பாதுகாக்க வேண்டுகோள் வைத்தார்.
இந்தக் கோயிலில் நினைத்த விருப்பங்கள் நிறைவேறும் என பக்தர்கள் நம்பிக்கையுடன் வழிபடுகின்றனர்.
அமைவிடம்
ஒசூர் — ராயக்கோட்டை சாலை
உத்தனபள்ளி வழியாக, ஒசூரிலிருந்து சுமார் 16 கி.மீ
தரிசன நேரம்
- காலை: 8.00 – 12.00
- மாலை: 5.00 – 7.30
