‘கலாச்சாரத்தை சீரழிக்கும் படத்தைவிட ஆபாசப் படம் மேல்!’ – இயக்குநர் பேரரசு கடும் விமர்சனம்

‘கலாச்சாரத்தை சீரழிக்கும் படத்தைவிட ஆபாசப் படம் மேல்!’ – இயக்குநர் பேரரசு கடும் விமர்சனம்

திரையுலகில் கலாச்சாரத்தை சீரழிக்கும் படங்கள் அதிகரித்து வரும் நிலையில், “அப்படிப்பட்ட படங்களை விட ஆபாசப் படம் எவ்வளவோ மேல்” என இயக்குநர் பேரரசு கடுமையாகக் கூறியுள்ளார்.

சென்னையில் நடைபெற்ற ‘வள்ளுவன்’ திரைப்படத்தின் இசை மற்றும் டிரெய்லர் வெளியீட்டு விழாவில் அவர் இவ்வாறு பேசினார்.

இப்படத்தை ஆறுபடை புரொடக்‌ஷன்ஸ் நிறுவனம் தயாரித்துள்ளது.

இயக்குநர் சங்கர் சாரதி இயக்கியுள்ள இப்படத்தில் சேத்தன் சீனு, ஆஸ்னா சாவேரி, சாய் தீனா, தீபா, கராத்தே ராஜா உள்ளிட்டோர் நடித்துள்ளனர்.

இவ்விழாவில் பேசும் போது இயக்குநர் பேரரசு கூறினார்:

“வள்ளுவன் என்கிற தலைப்பை வைத்திருக்கும் இயக்குநர் சங்கர் சாரதி ஒரு ஆன்மிகவாதி. அவர் வள்ளுவரின் எழுத்தாணியை எடுத்துவிட்டு கத்தியை கொடுத்திருக்கிறார். இன்றைய சூழலில் திருவள்ளுவர் இருந்திருந்தால் கத்தி அல்ல, துப்பாக்கியைத்தான் எடுத்திருப்பார்.

ஏனெனில் இப்போது எங்கும் அநியாயம், அக்கிரமம், வன்முறை. ‘வள்ளுவன்’ என டைட்டில் வைத்திருப்பது தமிழ் மீதான பற்றின் அடையாளம்.”

அவர் மேலும் கூறினார்:

“ஒவ்வொரு ஆட்சியும் மாறும் போது வள்ளுவரின் தோற்றத்தை மாற்ற முயற்சி செய்கிறது. ஒருவேளை அவர் இப்போது வந்தால் துப்பாக்கியைத்தான் தூக்கி நிற்பார்.

இப்போது ‘நீதிபதியையே விலைக்கு வாங்கலாம்’ என்று வசனம் சொல்லும் தைரியம் கொண்ட இயக்குநர் சங்கர் சாரதி 100 பேரரசுக்கு சமம். நீதிபதியை விமர்சித்தாலே வழக்கு போடுகிறார்கள்; ஆனால் அரசனே தவறு செய்கிறான், ஆண்டவனே தவறு செய்கிறான்.”

தன் அனுபவத்தையும் அவர் பகிர்ந்துகொண்டார்:

“நான் ‘சிவகாசி’ படம் எடுத்த போது வக்கீல்களை கிண்டல் செய்ததாக வழக்குகள் வந்தன. ஆனால் இன்று ஒரு இயக்குநர் நீதித்துறை ஊழலை சுட்டிக்காட்டுகிறார். இது உண்மையில் பாராட்டத்தக்கது.”

இறுதியாக அவர் வலியுறுத்தினார்:

“எந்த வகை படமாக இருந்தாலும் — ஆக்ஷன், காமெடி, திரில்லர் — அதன் நோக்கம் நல்லது இருக்க வேண்டும்.

கலாச்சாரத்தை சீரழிக்கும் படங்களை விட ஆபாசப் படம் எவ்வளவோ மேல். பணம் சம்பாதிக்க பல வழிகள் இருக்கின்றன; ஆனால் சமூகத்துக்கு நன்மை செய்யும் படங்களே நீண்ட நாள் நிலைக்கும்.”