வாக்குப்பதிவு தொடக்கம்: புதுச்சேரி, கேரளம், அசாமில் விறுவிறுப்பாக நடைபெறும் சட்டமன்றத் தேர்தல்!
புதுச்சேரி, கேரளம் மற்றும் அசாம் ஆகிய மாநிலங்களில் இன்று (ஏப்ரல் 9) காலை 7 மணிக்குச் சட்டமன்றத் தேர்தலுக்கான வாக்குப்பதிவு தொடங்கி விறுவிறுப்பாக நடைபெற்று வருகிறது.
- புதுச்சேரி: மொத்தமுள்ள 30 தொகுதிகளுக்கும் இன்று ஒரே கட்டமாக வாக்குப்பதிவு நடைபெறுகிறது. சுமார் 9.50 லட்சம் வாக்காளர்கள் தங்கள் ஜனநாயகக் கடமையை ஆற்ற உள்ளனர். இதற்காக 1,099 வாக்குச்சாவடிகள் அமைக்கப்பட்டுள்ளன. 294 வேட்பாளர்கள் களத்தில் உள்ள நிலையில், மாலை 6 மணி வரை வாக்குப்பதிவு நடைபெறவுள்ளது.
- கேரளம்: கேரளாவில் உள்ள 140 தொகுதிகளுக்கும் பலத்த பாதுகாப்புடன் இன்று வாக்குப்பதிவு நடைபெறுகிறது. மாநிலம் முழுவதும் அமைக்கப்பட்டுள்ள 30,471 வாக்குச்சாவடிகளில், 2,500 சாவடிகள் பதற்றமானவை எனக் கண்டறியப்பட்டு கூடுதல் பாதுகாப்பு அளிக்கப்பட்டுள்ளது. 76 ஆயிரம் போலீசார் பாதுகாப்புப் பணியில் ஈடுபடுத்தப்பட்டுள்ளனர்.
- அசாம்: அசாமின் 126 தொகுதிகளுக்கும் இன்று ஒரே கட்டமாக வாக்குப்பதிவு நடைபெறுகிறது. சுமார் இரண்டரை கோடி வாக்காளர்கள் வாக்களிக்கத் தகுதி பெற்றுள்ள நிலையில், 31,486 வாக்குச்சாவடிகளில் மக்கள் நீண்ட வரிசையில் நின்று தங்கள் வாக்குகளைப் பதிவு செய்து வருகின்றனர்.
இந்த மூன்று மாநிலங்களிலும் பதிவாகும் வாக்குகள் அனைத்தும் வரும் மே 4-ஆம் தேதி எண்ணப்பட்டு, அன்றைய தினமே தேர்தல் முடிவுகள் அறிவிக்கப்பட உள்ளன.
