திருப்பூரில் துப்பாக்கி சுடும் பயிற்சியில் நடிகர் அஜீத்குமார்
தமிழ் திரைப்பட உலகின் முன்னணி நடிகரான அஜீத்குமார், நடிப்பிற்கு அப்பாற்பட்ட பல்வேறு துறைகளில் தன் ஆர்வத்திற்காக பிரபலமாக அறியப்பட்டவர். குறிப்பாக கார் பந்தயம், மோட்டார் சைக்கிள் ரேஸிங், மற்றும் துப்பாக்கி சுடுதல் போன்ற போட்டிகளில் அடிக்கடி பங்கேற்று வருகிறார்.
இந்நிலையில், திருப்பூர் மாவட்டம் வெள்ளக்கோவில் அருகே லக்கநாயக்கன்பட்டியில் உள்ள கொங்குநாடு ரைஃபிள் கிளப் வளாகத்தில், ‘ஷாட் கன்’ பிரிவில் துப்பாக்கி சுடும் பயிற்சியில் அவர் ஈடுபட்டார்.
கடந்த இரு நாட்களாக அங்கு தங்கி தீவிரமாக இந்தப் பயிற்சியை மேற்கொண்டதாகக் கூறப்படுகிறது. குறிப்பிடத்தக்கது என்னவென்றால், அஜீத்குமார் அந்த ரைஃபிள் கிளப்பின் ஆயுட்கால உறுப்பினராக உள்ளார். இதன் காரணமாக, அவர் அடிக்கடி இங்கு வந்து தன் துப்பாக்கி சுடும் திறன்களை மேம்படுத்தி வருகிறார்.
