ஜி.டி. நாயுடுவாக மாதவன்: ‘ஜி.டி.என்’ படத்தின் ஃபர்ஸ்ட் லுக் வெளியீடு
இந்தியாவின் “எடிசன்” என அழைக்கப்படும் கண்டுபிடிப்பாளர் ஜி.டி. நாயுடுவின் வாழ்க்கை வரலாற்றை அடிப்படையாகக் கொண்டு உருவாகி வரும் ‘ஜி.டி.என்’ திரைப்படத்தில் நடிகர் ஆர். மாதவன் தலைப்புப் பாத்திரத்தில் நடித்துள்ளார்.
இப்படத்தின் ஃபர்ஸ்ட் லுக் போஸ்டர் மற்றும் அறிமுக டீசர் இன்று வெளியிடப்பட்டுள்ளன. இதில் வித்தியாசமான தோற்றத்தில் மாதவன் காட்சியளிப்பதால், ரசிகர்கள் சமூக வலைதளங்களில் பாராட்டுகள் தெரிவித்து வருகிறார்கள்.
‘ஜி.டி.என்’ திரைப்படத்தை கிருஷ்ணகுமார் ராம்குமார் எழுதி இயக்கி வருகிறார். வர்கீஸ் மூலன் பிக்சர்ஸ் சார்பில் விஜய் மூலன், வர்கீஸ் மூலன், மேலும் ட்ரைகலர் பிலிம்ஸ் சார்பில் ஆர். மாதவன் மற்றும் சரிதா மாதவன் இணைந்து தயாரித்து வருகிறார்கள்.
இசையமைப்பாளராக கோவிந்த் வசந்தா பணியாற்றுகிறார். கோயம்புத்தூரில் தொடங்கிய படப்பிடிப்பு தற்போது வேகமாக நடைபெற்று வருகிறது. மேலும், இந்தியாவைத் தவிர ஜெர்மனி உள்ளிட்ட வெளிநாடுகளிலும் சில முக்கிய காட்சிகள் படமாக்கப்படவுள்ளன.
பல ஆண்டுகளாக நுணுக்கமான முன் தயாரிப்பு பணிகளை மேற்கொண்ட இப்படம், அடுத்த ஆண்டு கோடை விடுமுறையில் திரைக்கு வரும் என படக்குழுவினர் அறிவித்துள்ளனர்.
