சமையல் எரிவாயு தட்டுப்பாடு குறித்து அச்சம் வேண்டாம்: மத்திய அரசு அதிரடி விளக்கம்
புதுடெல்லி:
நாடு முழுவதும் சமையல் எரிவாயு (LPG) விநியோகம் குறித்து பொதுமக்களிடையே எழுந்துள்ள தேவையற்ற அச்சத்தைப் போக்கும் வகையில் மத்திய அரசு இன்று முக்கிய விளக்கமளித்துள்ளது. இது தொடர்பாக டெல்லியில் செய்தியாளர்களைச் சந்தித்த மத்திய அரசு அதிகாரிகள், எரிவாயு கையிருப்பு மற்றும் விநியோகம் குறித்து விரிவான தகவல்களைப் பகிர்ந்து கொண்டனர்.
கப்பல்கள் வருகை:
ஹோர்முஸ் நீரிணையை கடந்து 92 ஆயிரம் மெட்ரிக் டன் சமையல் எரிவாயுவை ஏற்றிக்கொண்டு இரண்டு பிரம்மாண்ட கப்பல்கள் இந்தியா நோக்கி வந்து கொண்டிருக்கின்றன. இந்த கப்பல்கள் வரும் மார்ச் 17-ம் தேதி வாக்கில் குஜராத் துறைமுகத்தை வந்தடையும் என்று உறுதி அளிக்கப்பட்டுள்ளது.
பொதுமக்களுக்கு வேண்டுகோள்:
போதுமான அளவு எரிவாயு கையிருப்பு உள்ளதால், பொதுமக்கள் எரிவாயு தட்டுப்பாடு குறித்து எவ்வித அச்சமும் கொள்ளத் தேவையில்லை என அதிகாரிகள் கேட்டுக்கொண்டனர். மேலும், பீதியடைந்து தேவையின்றி சிலிண்டர்களை முன்கூட்டியே முன்பதிவு செய்ய வேண்டாம் என்றும், விநியோகம் சீராக நடைபெறுவதை அரசு உறுதி செய்யும் என்றும் அவர்கள் தெரிவித்தனர்.
