ஜம்மு எல்லையில் ரூ.40 கோடி மதிப்புள்ள போதைப்பொருள் வீச்சு: பாகிஸ்தான் டிரோன் பயன்படுத்தியதாக தகவல்
ஜம்மு எல்லைப் பகுதியில், ரூ.40 கோடி மதிப்புள்ள போதைப்பொருட்களை பாகிஸ்தானைச் சேர்ந்த டிரோன் மூலம் வீசிச் சென்ற சம்பவம் பரபரப்பை ஏற்படுத்தியுள்ளது.
ஜம்மு-காஷ்மீர் மாநிலத்தில் உள்ள இந்தியா–பாகிஸ்தான் எல்லைப் பகுதியில், சுமார் 6.5 கிலோ ஹெராயினை அதிகாரிகள் பறிமுதல் செய்துள்ளனர். இதன் மதிப்பு ரூ.40 கோடியாக மதிப்பிடப்பட்டுள்ளது.
எல்லையோர கிராம மக்கள் சிலர், டிரோன் ஒன்று பறந்து வந்து பொட்டலம் ஒன்றை கீழே வீசியதை கவனித்து பாதுகாப்புப் படையினருக்கு தகவல் அளித்தனர்.
இதையடுத்து, Border Security Force மற்றும் Jammu and Kashmir Police இணைந்து நடத்திய தீவிர சோதனையில், விவசாய நிலங்களில் ஹெராயின் பொட்டலங்கள் கண்டெடுக்கப்பட்டன.
இதற்கிடையில், கதுவா மாவட்ட எல்லைப் பகுதியில், டிரோன் மூலம் போதைப்பொருள் கடத்திய வழக்கில் ஜதின் மற்றும் டேனிஷ் டோக்ரா ஆகிய இருவரை போலீசார் கைது செய்துள்ளனர். அவர்கள் பாகிஸ்தான் கடத்தல்காரர்களுடன் நேரடித் தொடர்பில் இருந்தது விசாரணையில் தெரியவந்துள்ளது.
பாகிஸ்தானில் இருந்து டிரோன்கள் மூலம் போதைப்பொருள் மற்றும் ஆயுதங்களை கடத்தும் சம்பவங்கள் சமீப காலமாக அதிகரித்து வருவதால், இந்திய பாதுகாப்புப் படையினர் எல்லைப் பகுதிகளில் கண்காணிப்பு மற்றும் சோதனைகளை மேலும் தீவிரப்படுத்தியுள்ளனர்.
