தேசிய ஜனநாயக கூட்டணி எம்பிக்கள் சந்திப்பு – புதிய பாஜக தலைவருக்கு பிரதமர் மோடி வாழ்த்து
புதியதாக பொறுப்பேற்றுள்ள பாஜக தேசிய தலைவர் நிதின் நபினுக்கு, தேசிய ஜனநாயக கூட்டணி எம்பிக்கள் கூட்டத்தின் போது பிரதமர் நரேந்திர மோடி மாலை அணிவித்து வாழ்த்து தெரிவித்தார்.
பட்ஜெட் கூட்டத்தொடர் நடைபெற்று வரும் சூழலில், நாடாளுமன்ற வளாகத்தில் பிரதமர் மோடி மற்றும் பாஜக தேசிய தலைவர் நிதின் நபின் தலைமையில் தேசிய ஜனநாயக கூட்டணியைச் சேர்ந்த நாடாளுமன்ற உறுப்பினர்கள் சந்திப்பு நடைபெற்றது. இந்தக் கூட்டத்தில் முதல் முறையாக கலந்து கொள்ள வந்த நிதின் நபினுக்கு உற்சாகமான வரவேற்பு அளிக்கப்பட்டது. பிரதமர் மோடியுடன் சேர்ந்து, தேசிய ஜனநாயக கூட்டணியில் உள்ள கட்சிகளின் நாடாளுமன்ற குழுத் தலைவர்கள் மாலை அணிவித்து அவரை பாராட்டினர்.
RelatedPosts
இதனைத் தொடர்ந்து, இந்தியா மற்றும் ஐரோப்பிய யூனியன் இடையே உருவாகியுள்ள தடையற்ற வர்த்தக ஒப்பந்தம், இந்திய தயாரிப்புகளுக்கு விதிக்கப்பட்டிருந்த இறக்குமதி வரிகளை அமெரிக்கா குறைத்தது போன்ற முக்கிய அம்சங்களை குறிப்பிட்டு, தேசிய ஜனநாயக கூட்டணி எம்பிக்கள் பிரதமர் மோடிக்கு வாழ்த்துகளை தெரிவித்தனர்.
மேலும், இந்தக் கூட்டத்தில் பட்ஜெட் கூட்டத்தொடரில் முன்வைக்க வேண்டிய முக்கியமான விவகாரங்கள், எதிர்க்கட்சிகள் எழுப்பக்கூடிய கேள்விகளுக்கு அளிக்க வேண்டிய விளக்கங்கள், டோக்லாம் தொடர்பான பிரச்சினை உள்ளிட்ட பல்வேறு விஷயங்கள் குறித்து விரிவாக ஆலோசனை நடைபெற்றது.
