INDI கூட்டணிக்கு தொடரும் பின்னடைவு – 100-வது தோல்வி நெருங்குகிறது: பாஜக எம்.பி தேஜஸ்வி சூர்யா
காங்கிரஸ் தலைமையிலான INDI கூட்டணி விரைவில் 100-வது தேர்தல் தோல்வியை சந்திக்க உள்ளதாக பாஜக மக்களவை உறுப்பினர் தேஜஸ்வி சூர்யா கடுமையாக விமர்சனம் செய்துள்ளார்.
2026–27 நிதியாண்டுக்கான மத்திய பட்ஜெட் கூட்டத்தொடர் கடந்த புதன்கிழமை குடியரசுத் தலைவர் உரையுடன் அதிகாரப்பூர்வமாக தொடங்கியது. இதனைத் தொடர்ந்து, மத்திய நிதியமைச்சர் நிர்மலா சீதாராமன் நேற்று நாடாளுமன்றத்தில் நிதிநிலை அறிக்கையை தாக்கல் செய்தார். அதன் பின்னர், குடியரசுத் தலைவர் உரை குறித்து இரு அவைகளிலும் விவாதம் நடைபெற்று வருகிறது.
இந்த விவாதத்தின் போது மக்களவையில் உரையாற்றிய தேஜஸ்வி சூர்யா, காங்கிரஸ் தலைமையிலான INDI கூட்டணி இதுவரை நடைபெற்ற 95 தேர்தல்களில் தோல்வியை சந்தித்துள்ளதாக குறிப்பிட்டார்.
மேலும், விரைவில் நடைபெறவுள்ள தமிழ்நாடு, மேற்குவங்கம் உள்ளிட்ட ஐந்து மாநில சட்டமன்ற தேர்தல்களிலும் அந்த கூட்டணி தோல்வியடையும் என்றும், அதன் மூலம் 100-வது தோல்வியை INDI கூட்டணி பதிவு செய்யும் என்றும் அவர் கிண்டலாக கூறினார்.
