ஒவ்வொரு மாவட்டத் தலைமையிடத்திலும் மாணவியர் விடுதிகள் – மத்திய பட்ஜெட்டில் புதிய அறிவிப்பு
மாநிலம் முழுவதும் உள்ள ஒவ்வொரு மாவட்டத் தலைமையிடத்திலும் மாணவியர்களுக்கான விடுதிகள் கட்டப்படும் என மத்திய பட்ஜெட்டில் அறிவிக்கப்பட்டுள்ளது.
பெண் மாணவிகளின் கல்வி முன்னேற்றத்தை அதிகரிக்கும் நோக்கில் பல்வேறு ஊக்க நடவடிக்கைகள் மேற்கொள்ளப்படும் என்றும் தெரிவிக்கப்பட்டுள்ளது. மருத்துவப் படிப்புகளுக்கு விதிக்கப்படும் வரி 2 சதவீதமாக குறைக்கப்படும் என்றும் பட்ஜெட்டில் குறிப்பிடப்பட்டுள்ளது.
மேலும், கால்நடை மற்றும் துணைக் கால்நடை மருத்துவக் கல்லூரிகள் அமைக்கப்படுவதுடன், பரிசோதனை ஆய்வகங்கள் மற்றும் இனப்பெருக்கத்திற்கான நவீன வசதிகள் ஏற்படுத்தப்படவுள்ளதாகவும் அறிவிக்கப்பட்டுள்ளது.
அதேபோல், ஆயுர்வேத மருத்துவ வளர்ச்சியை முன்னெடுக்க, புதியதாக 3 அகில இந்திய அளவிலான நிறுவனங்கள் தொடங்கப்படும் என்றும் மத்திய பட்ஜெட்டில் அறிவிக்கப்பட்டுள்ளது
