குடியரசு தின விழாவை முன்னிட்டு மத்திய அமைச்சர்கள் வீடுகளில் கோலாகல கொண்டாட்டம்
77வது குடியரசு தின விழாவை முன்னிட்டு, மக்களவை சபாநாயகர் ஓம் பிர்லா மற்றும் மத்திய அமைச்சர்கள் தங்களது இல்லங்களில் தேசியக் கொடியை ஏற்றி, மூவர்ணக் கொடிக்கு மரியாதை செலுத்தி, தேசிய பெருமையை வெளிப்படுத்தினர்.
டெல்லியில் உள்ள தனது இல்லத்தில், அதிகாரிகள் மற்றும் வீரர்கள் முன்னிலையில் மக்களவை சபாநாயகர் ஓம் பிர்லா தேசியக் கொடியை ஏற்றி, வீர வணக்கம் செலுத்தினார். இந்த நிகழ்வு குடியரசு தினத்தின் மகத்துவத்தை நினைவூட்டும் வகையில் அமைந்தது.
தொடர்ந்து, பாதுகாப்புத் துறை அமைச்சர் ராஜ்நாத் சிங் தனது வீட்டில் தேசியக் கொடியை ஏற்றி, துப்பாக்கி ஏந்திய வீரர்களின் மரியாதையை ஏற்றுக் கொண்டார். மேலும், பாதுகாப்புப் படை வீரர்களுக்கு இனிப்புகளை வழங்கி, குடியரசு தின வாழ்த்துகளை தெரிவித்தார்.
அதேபோல், விவசாயம் மற்றும் விவசாயிகள் நலத்துறை அமைச்சர் சிவராஜ் சிங் செளகான் தனது இல்லத்தில் தேசியக் கொடியை ஏற்றி, அங்கு பணியில் இருந்த வீரர்களுடன் கைகுலுக்கி, குடியரசு தின நல்வாழ்த்துகளை பகிர்ந்துகொண்டார்.
மேலும், வெளியுறவுத்துறை அமைச்சர் ஜெய்சங்கர் தனது இல்லத்தில் தேசியக் கொடியை ஏற்றி, மூவர்ணக் கொடிக்கு உரிய மரியாதை செலுத்தினார்.
தேசிய ஒற்றுமை, ஜனநாயக மதிப்புகள் மற்றும் நாட்டின் பெருமையை நினைவூட்டும் இந்த கொண்டாட்டங்கள், குடியரசு தினத்தின் சிறப்பை மேலும் உயர்த்தின.
நாட்டு மக்களுக்கெல்லாம் குடியரசு தின நல்வாழ்த்துகள்!
