மோடியின் அழைப்பில் அமீரக அதிபர் 3 மணி நேர இந்திய வருகை – முக்கிய பின்னணி
பிரதமர் மோடியின் அழைப்பில் இந்தியா வந்த ஐக்கிய அரபு அமீரக அதிபர் ஷேக் முகமது பின் சயீத் அல் நஹ்யான், டெல்லியில் வெறும் 3 மணி நேரம் மட்டுமே செலவிட்ட போதிலும், இருதரப்பு வர்த்தகம் மற்றும் பாதுகாப்பு துறையில் முக்கிய முடிவுகள் எடுக்கப்பட்டுள்ளன.
கடந்த திங்கட்கிழமை மாலை 4.20 மணிக்கு இந்தியாவுக்கு வந்த அதிபரை விமான நிலையத்தில் பிரதமர் மோடி வரவேற்று, 4.45 மணிக்கு அதிகாரப்பூர்வ பேச்சுவார்த்தை நடத்தினர். சந்திப்புக்குப் பின், மாலை 6.05 மணிக்கு அதிபர் மீண்டும் ஐக்கிய அரபு அமீரகத்துக்கு புறப்பட்டார்.
அதிபரின் இந்திய வருகை, கடந்த 10 ஆண்டுகளில் அவருடைய ஐந்தாவது பயணமாகும். ஐக்கிய அரபு அமீரகத் தலைவர் பதவியில் இருந்து, இது இந்தியாவுக்கு அவர் செய்யும் மூன்றாவது பயணம் ஆகும்.
இந்த சந்திப்பில் இரு நாடுகளின் Comprehensive Strategic Partnership புதிய உச்சத்தை எட்டியுள்ளது. 2032-ஆம் ஆண்டிற்குள் இருதரப்புக் கடன் வர்த்தகத்தை 200 பில்லியன் அமெரிக்க டாலர் வரை உயர்த்தும் இலக்கு நிர்ணயிக்கப்பட்டுள்ளது.
மேலும், 2028 முதல் ஆண்டுதோறும் ஐக்கிய அரபு அமீரகம் 5 லட்சம் மெட்ரிக் டன் திரவ இயற்கை எரிவாயுவை (LNG) இந்தியாவுக்குப் கொள்முதல் செய்ய ஒப்பந்தம் செய்து, இந்தியா உலகில் அமீரகத்திற்கு அடுத்த பெரிய LNG சந்தை நாடாக மாறியுள்ளது.
இந்தியாவின் டிஜிட்டல் பண பரிவர்த்தனை அமைப்பான ‘டிஜிலாக்கர்’ வசதியையும் அமீரகத்துடன் இணைப்பது தொடர்பாகவும் முக்கிய முடிவுகள் எடுக்கப்பட்டுள்ளன.
குஜராத்தில் உள்ள தோலேரா சிறப்பு முதலீட்டுப் பகுதி மேம்பாட்டில் பங்கேற்க “letter of intent” கடிதத்தில் அமீரகம் கையெழுத்திட்டுள்ளது. இதன் மூலம், எரிசக்தி, விமான நிலையம், விமானி பயிற்சி, ரயில்வே இணைப்பு, துறைமுகங்கள் உள்ளிட்ட உள்கட்டமைப்புகளில் அமீரக நிறுவனங்களுக்கு அனுமதி வழங்கப்பட்டுள்ளது.
மேலும், அபுதாபியில் ‘ஹவுஸ் ஆஃப் இந்தியா’ அமைக்கவும், குஜராத்தில் உள்ள GIFT சிட்டியில் FAB மற்றும் DP World அலுவலகங்கள் தொடங்கவும் முடிவெடுக்கப்பட்டுள்ளது.
இருநாடுகள் விண்வெளி அறிவியல், தொழில்நுட்பம் மற்றும் உயர் அணுசக்தி தொழில்நுட்பங்களில் ஒத்துழைப்பு செய்வதற்கான திட்டங்கள் வகுத்துள்ளன. அதன்படி, பெரிய மற்றும் சிறிய அணு உலைகள், அணு மின் நிலையங்கள், பராமரிப்பு, பாதுகாப்பு ஆகியவற்றில் இணைந்து செயல்பட முடிவு செய்யப்பட்டு உள்ளது.
பயங்கரவாத நிதியுதவி மற்றும் பணமோசடி எதிர்ப்பு நடவடிக்கைகளிலும் இருநாடுகள் ஒத்துழைக்க தீர்மானித்துள்ளன.
அதிகரித்து வரும் பாதுகாப்பு மற்றும் பிராந்திய சூழலை கருத்தில் கொண்டு, இந்தியா அமீரகத்தை முக்கிய பாதுகாப்புத் துணையாக கருதி செயல்படுவதாகவும், ஈரானில் அமெரிக்காவின் தாக்குதலைத் தடுக்கும் வகையில் இந்தியாவின் பார்வையை அமீரகம் மதிக்கிறது என்றும் தகவல்கள் தெரிவிக்கின்றன.
இந்தச் சந்திப்பின் முக்கியத்துவம், அமீரகத் தலைவரின் குறுகிய இந்திய பயணம், இரு நாடுகளுக்கும் வர்த்தகம், பாதுகாப்பு மற்றும் தொழில்நுட்ப ஒத்துழைப்பில் புதிய ஒப்பந்தங்களை உருவாக்கியதாகும்.
