டார்க் காமெடி த்ரில்லரில் கவின் – ‘மாஸ்க்’ படம் விவரம்
நடிகர் கவின் நடிக்கும் புதிய டார்க் காமெடி த்ரில்லர் திரைப்படம் ‘மாஸ்க்’ என்ற பெயரில் உருவாகி வருகிறது. இதில், அவருக்கு ஜோடியாக ருஹானி சர்மா நடித்துள்ளார்.
இப்படத்தில் ஆண்ட்ரியா ஜெரெமையா, சார்லி, ரமேஷ் திலக், கல்லூரி வினோத், மற்றும் அர்ச்சனா சந்தோக் உள்ளிட்டோர் முக்கிய கதாபாத்திரங்களில் நடித்துள்ளனர்.
திரைப்படத்தை விகர்ணன் அசோக் இயக்கி, தன் இயக்குநர் அறிமுகத்தைச் செய்கிறார். தயாரிப்பை தி ஷோ மஸ்ட் கோ ஆன் புரொடக்ஷன் மற்றும் பிளாக் மெட்ராஸ் ஃபிலிம்ஸ் இணைந்து மேற்கொள்கின்றன. இசையை ஜி.வி. பிரகாஷ் குமார் அமைத்துள்ளார்.
சென்னை பின்னணியில் அமைந்த இப்படத்துக்கான ஒளிப்பதிவை ஆர்.டி. ராஜசேகர் கவனித்துள்ளார். சமீபத்தில் வெளியான முதல் பாடல் ‘கண்ணுமுழி’ ரசிகர்களிடம் நல்ல வரவேற்பைப் பெற்றுள்ளது.
இப்படத்தின் ஓடிடி உரிமையை ZEE5 பெற்றுள்ளது. திரையரங்க வெளியீட்டுக்குப் பிறகு ‘மாஸ்க்’ படம் ZEE5 தளத்தில் வெளியாகும் என படக்குழு தெரிவித்துள்ளது.
